Deiseb a wrthodwyd Atal y dreth gyngor dros dro: COVID-19

Mae pobl Cymru yn galw ar Gynulliad Cenedlaethol Cymru i atal y dreth gyngor dros dro yn sgîl y pandemig COVID-19.

Mae pobl Cymru yn cydymffurfio â chanllawiau’r Llywodraeth ar ynysu cymdeithasol drwy osgoi teithio diangen, gweithio o gartref pan fydd hynny'n bosibl, addysgu eu plant gartref, osgoi eu teulu, eu ffrindiau a’u cymdogion.

Gorfodwyd pobl i gau eu busnesau, mae swyddi wedi’u colli, effeithiwyd ar eu hincwm a’u contractau, ac mae gan bawb ofnau gwirioneddol am ddiogelwch eu hanwyliaid.

Roedd llawer o bobl yn cael trafferth i dalu eu biliau misol yr aelwyd cyn i'r pandemig gyrraedd Cymru. Yn awr, yn y cyfnod digyffelyb hwn, mae ar bobl Cymru angen sicrwydd y bydd eu cynghorau lleol yn atal taliadau'r dreth gyngor dros dro, nes y gall pobl ddychwelyd i'r gwaith.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 7 Ebrill 2020
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.