Deiseb a wrthodwyd Grwpiau Cymraeg i Blant ar gyfer Cas-gwent a Chil-y-coed

Rydym yn galw ar Gynulliad Cenedlaethol Cymru i annog Llywodraeth Cymru i adolygu'r ddarpariaeth cyn ysgol ar gyfer y Gymraeg yn ne Sir Fynwy a sicrhau bod o leiaf un grŵp Cymraeg i Blant yng Nghil-y-coed ac un grŵp yng Nghas-gwent.

Roedd grwpiau'n arfer cael eu cynnal yng Nghas-gwent a Chil-y-coed, nes yr ystyriwyd ei bod yn addas eu symud i rywle arall. Roedd llawer iawn o bobl yn cefnogi'r grwpiau hyn ac mae colled fawr ar eu hôl. Mae tuedd amlwg tuag at ddarpariaeth mewn rhannau eraill o'r sir - er bod y cyllid ar gyfer Sir Fynwy gyfan. Mae dau grŵp yn Nhrefynwy, tri yn y Fenni, ac mae un yr un yn Rhaglan a Brynbuga. Mae'n llai na 10 munud yn y car o Raglan i Frynbuga ac mae'r boblogaeth ar y cyd yno'n llai na 5,000.

Y ffordd orau o gyrraedd y nifer fwyaf o deuluoedd fyddai cael Dosbarth Tylino ac Ioga Babanod i fabanod iau mewn un dref, a Stori, Rhigwm ac Arwydd i fabanod hŷn a phlant bach yn y llall. Mae hyn yn adlewyrchu'r ddarpariaeth mewn rhannau eraill o'r sir, a hefyd yr hyn a oedd gennym o'r blaen.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 27 Tachwedd 2019
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.