Deiseb a wrthodwyd Gwneud masgiau wyneb yn orfodol (gydag eithriadau meddygol) ar drafnidiaeth gyhoeddus yng Nghymru!

Mae masgiau wyneb yn orfodol ar drafnidiaeth gyhoeddus yn Lloegr, yr Alban a Gogledd Iwerddon, ond yng Nghymru, dim ond "argymhelliad" yw gwisgo masg o’r fath.
Mae nifer o astudiaethau bellach yn cael eu cyhoeddi sy’n dweud bod masgiau wyneb yn lleihau’r risg o drosglwyddo’r feirws o 40%+,¹,² a bod y risg o ledaenu’r feirws yn fwy y tu mewn,³ ac ati.
Dylid sicrhau ein bod ni’n gweithredu’n unol â gweddill y DU, drwy wneud masgiau wyneb yn orfodol ar drafnidiaeth gyhoeddus.

Rhagor o fanylion

[1] Esbonnir yma fod masgiau wyneb yn lleihau cyfradd twf dyddiol yr heintiau sy’n cael eu cofnodi tua 40 y cant. https://www.iza.org/publications/dp/13319/face-masks-considerably-reduce-covid-19-cases-in-germany-a-synthetic-control-method-approach, Mehefin 2020.
[2] Gwnaeth y cam o gyflwyno masgiau wyneb leihau trosglwyddiad yn sylweddol dros nos mewn gwahanol leoedd ac ar wahanol raddfeydd https://www.pnas.org/content/117/26/14857, Mehefin 2020. Esbonnir yma eu bod ond wedi gweld cyfraddau heintiau yn yr Eidal ac yn ninas Efrog Newydd yn dechrau arafu ar ôl i fasgiau wyneb gael eu gwneud yn orfodol, ac nid ar ôl i’r cyfyngiadau symud gael eu rhoi ar waith yn yr Eidal neu ar ôl i’r gorchmynion i aros gartref gael eu rhoi ar waith yn ninas Efrog Newydd.
[3] Esbonnir hefyd fod yr ods o achos sylfaenol o COVID-19 yn cael ei drosglwyddo mewn amgylchedd caeedig 18.7 gwaith yn fwy o'i gymharu ag amgylchedd awyr agored. https://www.medrxiv.org/content/10.1101/2020.02.28.20029272v2 Ebrill 2020.

Pam gwrthodwyd y ddeiseb hon?

Cafodd y ddeiseb hon ei thynnu yn ôl gan y deisebydd.

Yn sgil cyhoeddiad gan Lywodraeth Cymru ar 13 Gorffennaf 2020 y bydd disgwyl i pob teithiwr gwisgo gorchudd wyneb ar drafnidiaeth gyhoeddus yng Nghymru o ddydd Llun 27 Gorffennaf, penderfynodd y deisebydd dynnu'r ddeiseb yn ôl.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 9 Gorffennaf 2020
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.