Deiseb a wrthodwyd Ailasesu graddau lefel A yng Nghymru er mwyn tegwch i'r myfyrwyr

Ddoe gesi fy nghanlyniadau lefel A, yn anffodus rwyf yn un o'r 42% o pobl ifanc cafodd graddau llai na fy ngraddau rhagwelir gan athrawon. Golygai hyn ni allaf ymgeisio i'r cyrsiau Nyrsio a Paramedic yn y brifysgol gan nad oes gennyf ddigon o bwyntiau hefo'r graddau isel cefais gan y llywodraeth. Dwi'n un o cannoedd o phobl ifanc yng Nghymru sydd yn gorfod delio hefo'r annhegwch yma sydd ddim bai arno ni, mae angen ail asesiad rwan. Mae angen i'r Llywodraeth sylweddoli eu camgymeriad.

Rhagor o fanylion

Mae hyn yn gyfle i gael cywiro camgymeriad mawr, ac ennill ymddiriedolaeth pobl ifanc yn ôl i'r Llywodraeth. Mi wnaiff pobl ifanc fyth anghofio y cam yma os nad yw'n cael ei gywiro

Pam gwrthodwyd y ddeiseb hon?

Mae deiseb yn bodoli eisoes ar y mater hwn. Ni allwn dderbyn deiseb newydd os oes un yn bodoli eisoes ar fater tebyg iawn, neu os yw’r Pwyllgor Deisebau wedi ystyried deiseb debyg yn ystod y flwyddyn ddiwethaf.

Mae deiseb arall ynghylch dyfarnu graddau a ragwelwyd i fyfyrwyr ar gyfer arholiadau 2020 eisoes yn casglu llofnodion: https://deisebau.senedd.cymru/deisebau/ 200222
Byddech yn fwy tebygol o gael canlyniad ar y mater hwn pe baech yn llofnodi a rhannu’r un ddeiseb.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 14 Awst 2020
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.