Deiseb a wrthodwyd Rhowch ganiatâd i leoliadau cerddoriaeth gynnal digwyddiadau gyda chyfyngiadau Covid ar waith

Rwy'n ysgrifennu atoch gan fy mod o’r farn y dylai lleoliadau cerddoriaeth annibynnol gael caniatâd i gynnal digwyddiadau os yw’r cyfyngiadau diogelwch priodol ar waith mewn perthynas â’r Coronafeirws. Mae tafarndai cadwyn fel Wetherspoons ar agor ac yn masnachu, ac rwyf wedi gweld digon o dafarndai eraill lle nad yw mesurau cadw pellter cymdeithasol yn cael eu dilyn o gwbl. Rwy'n credu y dylai lleoliadau cerddoriaeth fod yn gallu cynnal nosweithiau arbennig â chapasiti cyfyngedig os yw’r holl fesurau diogelwch priodol ar waith. Mae lleoliadau o’r fath yn ei chael hi'n anodd, ac felly hefyd ein cerddorion a’n beirdd ac yn y blaen. Rwyf o’r farn bod angen ein help arnynt nawr yn fwy nag erioed.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 8 Medi 2020
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.