Deiseb a wrthodwyd Darparu cyllid brys COVID-19 i gefnogi cyfleusterau a phyllau nofio yng Nghymru

Cofnododd Nofio Cymru bod 500,000 o bobl yn defnyddio pyllau nofio bob wythnos ar gyfer ystod eang o weithgareddau nofio ledled Cymru cyn COVID-19 – gwersi dysgu nofio, sesiynau nofio ysgol (atal boddi), nofio iechyd a ffitrwydd cyhoeddus, nofio clybiau, cystadlaethau, galâu a digwyddiadau, heb sôn am baratoadau Carfan Genedlaethol Cymru ar gyfer y Gemau Olympaidd yn 2020 a Gemau’r Gymanwlad yn 2022.

Rhagor o fanylion

Ar 10 Awst 2020, ailagorodd pyllau nofio gyda chyfyngiadau ar ôl bod ar gau am 5 mis, ac mae'r goblygiadau ariannol a ddaw yn sgil hynny ar draws Awdurdodau Lleol, Ymddiriedolaethau Hamdden Cymunedol a Gweithredwyr Cyfleusterau yn enfawr, gan beryglu dyfodol cyfleusterau yng Nghymru.

Mae arolwg o 38 o weithredwyr yng Nghymru gan Nofio Cymru ym mis Medi 2020 yn amcangyfrif bod y colledion hyd yma tua £30 miliwn o bunnoedd, gyda cholledion pellach yn yr wythnosau a'r misoedd nesaf.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 15 Medi 2020
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.