Deiseb a wrthodwyd Stopiwch y cynlluniau arfaethedig i wahardd pobl rhag dod i mewn i Gymru

Mae Mark Drakeford wedi bygwth Boris Johnson y bydd yn cau’r ffin os yw Llywodraeth y DU yn gwrthod cymryd y cam llym o ddefnyddio’r gyfraith i wahardd pobl sy’n dod o fannau yn Lloegr â nifer fawr o achosion o COVID-19 rhag dod i mewn i Gymru.
Mae defnyddio bygythiad o gosb gyfreithiol i wahardd pobl rhag dod i mewn i Gymru yn gam di-hid ac yn ddefnydd amhriodol o gosbau troseddol.

Byddai'r mesur arfaethedig yn effeithio'n anghymesur ar gymunedau ar y ffin yng Nghymru ac yn Lloegr (e.e., Saltney yn Sir y Fflint a Chaer yn Swydd Gaer).

Rhagor o fanylion

Nid yn unig y byddai cymunedau ar y ffin yn dioddef yn anghymesur, byddai hyn hefyd yn cael effaith niweidiol ar ardaloedd o Gymru sy'n ddibynnol ar dwristiaeth o Loegr.

Mae gwaharddiad Drakeford yn gwbl amhriodol ac yn enghraifft dda o gyhoeddi mesurau o Gaerdydd a fyddai’n gwneud niwed economaidd, cymdeithasol ac emosiynol anadferadwy i’r rhai sy’n byw ymhell o Gaerdydd.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 12 Hydref 2020
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.