Deiseb a wrthodwyd CADWCH YSGOLION AR AGOR – ni ddylid BYTH ailadrodd y camgymeriad trasig o’u cau

Colli cyfleoedd dysgu. Mae cau ysgolion yn golygu bod plant o bob cefndir yn colli’r cyfle i gael yr addysg sydd ei hangen arnynt i adeiladu dyfodol disglair. Amcangyfrifir bod pob diwrnod y mae ysgolion ar gau yn cyfateb i golli 40,000 o flynyddoedd o addysg.

Iechyd meddwl; Ers dechrau cyfnod y cyfyngiadau symud, roedd ymchwilwyr sy'n gweithio ym maes iechyd meddwl, hunan-niweidio a hunanladdiad yn poeni am effeithiau ynysu cymdeithasol (Gunnell, 2020). Mae unigrwydd yr un mor niweidiol ag ysmygu a gordewdra o ran effeithiau iechyd tymor hir.

Rhagor o fanylion

Rhaniad digidol. Mae diffyg mynediad i'r rhyngrwyd, cyfrifiaduron addas ac adnoddau addysgu yn golygu bod llawer o blant yn cael eu heithrio o ddysgu ar-lein. Mae amrywiadau mewn mynediad at dechnoleg yn cynyddu anghydraddoldebau o ran cyrhaeddiad academaidd ac ymgysylltu cymdeithasol.

Mae ymchwil gan Brifysgol Rhydychen yn dangos bod pobl ifanc wedi bod yn unig yn ystod y cyfyngiadau symud, yn fwy unig na rhieni (ARC, 2020). Mae ymchwil Prifysgol Caerfaddon yn dangos bod unigrwydd yn gysylltiedig â phroblemau iechyd meddwl fel iselder a gorbryder hyd at 9 mlynedd yn ddiweddarach (Loades, et al., 2020)

Maeth; mae miloedd o blant yn dibynnu ar brydau ysgol am ddim; gall cau ysgolion yn y tymor hir yn annisgwyl gael effaith andwyol o ran maeth a chanlyniadau addysgol. Mae ansicrwydd bwyd yn uwch yn ystod y pandemig.

Cam-drin ac anafu plant; Mae ysgolion yn chwarae rhan hanfodol o ran diogelu plant, ac yn aml, staff addysgol yw’r cyntaf i roi gwybod am achosion posibl o gam-drin plant. Dangosodd ymchwil gan Brifysgol Birmingham ostyngiad sylweddol o 39 y cant yn nifer yr atgyfeiriadau ar gyfer archwiliadau meddygol diogelu plant.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 27 Rhagfyr 2020
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.