Deiseb a wrthodwyd Ôl-ddyddiwch daliad hunanynysu ar gyfer hysbysiadau drwy ap COVID-19 y GIG yn unol â llywodraeth Lloegr

Nid yw taliadau hunanynysu ar gyfer y rhai sy'n cael eu cyfarwyddo i hunanynysu gan ap COVID-19 y GIG yn cael eu talu yng Nghymru oherwydd oedi cyn i Lywodraeth Cymru roi systemau ar waith i brosesu ceisiadau. Oherwydd yr oedi hwn, mae ceisiadau a gyflwynwyd rhwng y dyddiad dechrau gwreiddiol a fwriadwyd, sef 10 Rhagfyr 2020, a 1 Chwefror 2021, sef y dyddiad y rhoddwyd systemau ar waith o'r diwedd, yn cael eu gwrthod. Mae ceisiadau yn Lloegr yn ystod y cyfnod hwn yn gymwys. Mae hyn yn amlwg yn annheg.

Rhagor o fanylion

Pan gyflwynwyd taliadau hunanynysu, dim ond y rhai a gyfarwyddwyd i hunanynysu drwy gysylltiad â gweithredwr dynol o'r system Profi a Olrhain oedd yn gymwys, nid y rhai a gyfarwyddwyd gan yr ap COVID-19. Cywirwyd yr anghysondeb hwn ar 10 Rhagfyr 2020, pan ychwanegwyd y gallu i wneud cais am daliad, at yr ap. Dechreuodd y cymwyster ar gyfer pobl yn Lloegr o'r dyddiad hwn, fodd bynnag, oherwydd methiant i roi systemau ar waith i brosesu ceisiadau sy'n seiliedig ar apiau, ni ddechreuodd Llywodraeth Cymru brosesu ceisiadau yn seiliedig ar apiau tan 1 Chwefror 2021. Ar hyn o bryd, nid yw unrhyw geisiadau mewn perthynas â hysbysiadau i hunanynysu a dderbyniwyd o'r ap rhwng 10 Rhagfyr 2020 a 1 Chwefror 2021 yn gymwys gan Lywodraeth Cymru, er gwaethaf y gallu i wneud cais am daliad drwy'r ap o 10 Rhagfyr 2020, a bod llywodraeth Lloegr yn derbyn ceisiadau o'r dyddiad hwn. Mae hon yn amlwg yn sefyllfa annheg, a hynny oherwydd methiant ar ran Llywodraeth Cymru i roi systemau ar waith i ymdrin â cheisiadau'n seiliedig ar apiau o 10 Rhagfyr 2020 fel y bwriadwyd yn wreiddiol.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 16 Chwefror 2021
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.