Deiseb a wrthodwyd Ei gwneud yn ofyniad cyfreithiol i ailblannu coeden yn union le coeden sydd wedi'i chwympo â Gorchymyn Diogelu Coed.

Mae coed yn darparu gwasanaeth enfawr nid yn unig i'n hinsawdd a'n bywyd gwyllt, ond i ni hefyd. Mae presenoldeb coed yn creu cymunedau bach o anifeiliaid gwyllt, er enghraifft adar, y gall eu cân wella naws stryd gyfan. Ond mae coed hefyd yn darparu cysgod ar ddiwrnodau poeth yr haf, yn oeri'r stryd, ac yn rhoi awgrym o wyrdd i dirwedd sydd fel arall yn llwyd a brown. Rwy’n credu’n gryf y dylai fod gan bob stryd nifer o goed, a dylid gwneud popeth i ddiogelu unrhyw goeden rhag marw’n ddiangen. Er y gall sefyllfaoedd godi lle mae'n rhaid i goeden ddod i lawr; dylid plannu un newydd bob amser. Rydym i gyd yn cydnabod pwysigrwydd coed, ond nid mewn gardd! Mae angen deddfwriaeth i gynnal cynefinoedd ac ardaloedd gwyrdd mewn trefi. Os yw Cymru am ddod yn fwy cynaliadwy, rhaid amddiffyn a hyrwyddo coed sydd o fudd i hinsawdd, bywyd gwyllt, a holl breswylwyr ardal. Nid wyf fyth yn gweld coeden newydd yn cael ei phlannu mewn ardal drefol, felly mae'n bryd dod â manteision coed i'n strydoedd, nid i’n cefn gwlad yn unig.