Deiseb a wrthodwyd Cyfyngu ar gynnal ymweliadau ag eiddo preswyl wedi'i feddiannu yng Nghymru tan ddiwedd pandemig COVID-19

Dylid atal landlordiaid ac asiantau tai rhag defnyddio hysbysiadau 24 awr i fynd i mewn i eiddo y maent yn ei rentu fel y gallant gynnal nifer o ymweliadau bob dydd. Bydd hyn yn atal landlordiaid/asiantau tai rhag defnyddio'r hysbysiad mynediad 24 awr i droi eiddo rhent preifat yn fannau cyhoeddus. Bydd hefyd yn lleihau'r risg y bydd COVID-19 yn lledaenu o ganlyniad i nifer o ymweliadau yn cael eu cynnal bob dydd.

Dylai ymweliadau gael eu cynnal naill ai’n rhithwir yn ystod y pandemig neu dylid cyfyngu ar nifer yr ymweliadau a ganiateir bob wythnos. Dylai landlordiaid/asiantau tai hefyd logi gwasanaeth glanhau a dadheintio ar ôl bob ymweliad.

Rhagor o fanylion

Mae gan denantiaid hawl o dan gyfraith y DU i'r hyn a elwir yn hawl i fwynhad tawel, sy'n cyfeirio at eu hawl i fyw mewn eiddo heb ymyrraeth gan eu landlord neu asiant tai. Er gwaethaf hyn, mae rhai landlordiaid ac asiantau tai yn camddefnyddio’r hysbysiad 24 awr y mae'n rhaid iddynt ei roi i denantiaid cyn iddynt fynd i mewn i eiddo drwy roi'r hawl i'w hunain i gyhoeddi hysbysiadau o'r fath yn bob dydd.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 15 Mehefin 2021
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.