Deiseb a wrthodwyd Dylid sicrhau bod y cynllun cymorth hunanynysu ar gael i bawb sy’n hunanynysu

Rwyf wedi cael diagnosis o COVID-19 a chefais neges destun a chod i weld a allwn gael cymorth o dan y cynllun cymorth hunanynysu.
Ar ôl llenwi'r ffurflen, nodwyd na fyddwn yn gymwys am fy mod yn ddifrifol anabl ac yn fyfyriwr, ac fe ystyrir fy mod yn ddi-waith.
Hefyd, nid oeddwn yn gallu hawlio’r £20 yr wythnos ychwanegol am nad oeddwn yn bodloni meini prawf y llywodraeth ychwaith.

Rhagor o fanylion

Mae hyn yn gwbl annheg, ac mae’n gwahaniaethu yn erbyn pobl nad ydynt yn gweithio ar hyn o bryd am ba reswm bynnag. Ymddengys fod Llywodraeth Cymru o’r farn nad yw pobl sy’n ddi-waith neu’n anabl yn wynebu costau ychwanegol yn sgil Covid a hunanynysu.
Ers dechrau’r pandemig ym mis Mawrth 2020, gwahaniaethwyd yn erbyn pobl ddi-waith, anabl ac agored i newid o dan Ddeddf Cydraddoldeb 2010 a Deddf Hawliau Dynol 1998.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 10 Ionawr 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.