Deiseb a wrthodwyd Sicrhau bod pob ysgol gynradd yn y wlad yn gallu cynnig darpariaeth ar ôl ysgol

Mae darpariaeth clwb ar ôl ysgol yn wasanaeth hanfodol i deuluoedd sy'n gweithio. Yn gyffredinol, mae lleoliadau gofal dydd yn costio mwy na dwbl pris darpariaeth ar ôl ysgol mewn lleoliad ysgol. Mae gan hyn oblygiadau ariannol sylweddol i deuluoedd sydd â phlant ifanc, sy'n golygu bod yn rhaid gwneud dewisiadau anodd ynghylch a yw'n werth gweithio. Yn anffodus, nid yw gofal ar ôl ysgol ar gael ym mhob ysgol gynradd.

Rhagor o fanylion

Gyda chlybiau ar ôl ysgol ledled y wlad yn cau oherwydd diffyg cyllid a newidiadau i ofynion cymwysterau, mae teuluoedd yn ei chael yn anodd dod o hyd i ddewisiadau amgen rhesymol o ran mynd i'r gwaith a chael gofal i'w plant.
Fy nghred i yw na ddylai rhieni sy'n gweithio orfod gwneud dewis rhwng gweithio a bod wrth gatiau'r ysgol am 3.00pm. Rhaid i Lywodraeth Cymru ac awdurdodau lleol ymateb a gwarantu bod darpariaeth ar ôl ysgol mewn ysgolion yn wasanaeth a gaiff ei gynnig gan bob ysgol, ac y gall pob teulu ei ddefnyddio.
Mae darpariaeth ar ôl ysgol wedi cefnogi teuluoedd mewn gwaith ers blynyddoedd lawer. Dylai hyn fod yn gyfrifoldeb i Lywodraeth Cymru nid ysgolion unigol.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 27 Ionawr 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.