Deiseb a wrthodwyd Gallu optio mewn/optio allan i dderbyn unrhyw fath o gyfathrebiad yn Gymraeg neu'n Saesneg, nid yn y ddwy iaith

Yn ddiweddar cefais lythyr swyddogol yn y post a oedd yn cynnwys 4 tudalen yn Gymraeg a 4 tudalen yn Saesneg. Cafodd ffrind lythyr gwarchod 14 tudalen yn Gymraeg ac 14 tudalen yn Saesneg. Gallwn nodi llawer mwy o enghreifftiau. Ysgrifennais at Julie James, y Gweinidog Newid Hinsawdd, a oedd wedi dychwelyd o COP 26, gan gredu y byddai gwastraffu adnoddau naturiol yn ogystal â’r gost enfawr i fusnesau o orfod cynhyrchu dwy fersiwn o bopeth yn arwain at ymateb cadarnhaol.

Rhagor o fanylion

Cefais fy nhrosglwyddo i Uwch-swyddog yn Llywodraeth Cymru. Yr ymateb oedd sawl dyfyniad gan Gomisiynydd y Gymraeg. Y trethdalwr sy’n talu am hyn i gyd ar adeg pan fo toriadau enfawr yn cael eu gwneud i wasanaethau’n gyffredinol. Bob tro y byddaf yn gweld neu'n clywed y geiriau 'Mae Llywodraeth Cymru wedi rhoi arian ar gyfer __________, llenwch y gwagle, rwy'n atgoffa fy hun mai dyma fy arian treth i a'ch arian treth chi y mae’n ei wario.
Ni chefais unrhyw ymateb i fy mhryder ynghylch newid hinsawdd.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 16 Chwefror 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.