Deiseb a wrthodwyd Defnyddiwch adeilad gwag y swyddfa dreth yn Llanisien, Caerdydd, i roi cartref dros dro i ffoaduriaid o Wcráin

Mae Cymru gyfan yn cefnogi’r ymdrechion a wneir i roi cymorth i ffoaduriaid o Wcráin, ond nid yw pawb mewn sefyllfa i gynnig lle i deulu arall yn eu cartref.
Mae’r swyddfa dreth yn Llanisien yng ngogledd Caerdydd yn adeilad enfawr sy'n wag ar hyn o bryd. Dylid troi’r adeilad hwn yn gartref i gannoedd o ffoaduriaid.
Mae ganddo gyfleusterau gwres, plymio a thrydan yn barod. Gallai pobl wirfoddoli ar gyfer y prosiect hwn, gan roi o’u hamser a'u sgiliau i droi’r adeilad yn llety cyfforddus yn gyflym iawn.

Rhagor o fanylion

Byddai cael un lleoliad ar gyfer nifer fawr o ffoaduriaid yn ei gwneud yn llawer haws i wasanaethau gyflawni’r dasg o’u hintegreiddio i gymdeithas y DU, ac i grwpiau cymuned gyfeirio eu hymdrechion i helpu. Byddai hefyd yn darparu’r gymuned Wcreineg ei hiaith y mae ei dirfawr angen ar bobl sydd wedi mynd trwy drawma difrifol yn ddiweddar.
Hefyd, mae gan y safle feysydd parcio enfawr lle y gellir codi pebyll mawr ar gyfer darparu gwasanaethau. Yn ogystal, gellir creu yno feysydd chwarae i'r plant a chodi ffreutur a fyddai’n hwyluso coginio ar gyfer nifer fawr o bobl.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 20 Mawrth 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.