Deiseb a wrthodwyd Cyflwyno targedau statudol, a dyletswydd i adrodd ar gynnydd, i gynyddu gorchudd coetir yng Nghymru

Mae angen i Gymru blannu 5,000 hectar y flwyddyn i gyflawni ei huchelgais i gynyddu gorchudd coed.
Ond plannodd Cymru 670 hectar yn 2018/2019, cyn Covid, a dim ond 290 hectar o goetir newydd a blannwyd yn 2020/21.
Er mwyn cyrraedd y targed sero net erbyn 2050 yng Nghymru, mae Pwyllgor y DU ar Newid yn yr Hinsawdd wedi galw am gynnydd sylweddol o ran plannu coed.
Bellach mae angen targedau statudol ar gyfer coed llydanddail a chonwydd, a gofyniad i’r Llywodraeth adrodd i’r Senedd ar gynnydd, er mwyn cyflymu’r gwaith.

Rhagor o fanylion

Mae Deddf yr Amgylchedd (Cymru) 2016 yn ei gwneud yn ofynnol i Gymru gyrraedd allyriadau sero net erbyn 2050 ac yn gosod targedau interim ar gyfer 2030 a 2040.
Fe wnaeth Llywodraeth Cymru ddatgan argyfwng hinsawdd yn 2019 a gosododd nodau i Gymru ar gyfer creu coetiroedd er mwyn dal carbon a chyfrannu at gyflawni sero net.
Fodd bynnag, nid oes digon o goetir yn cael ei blannu er mwyn cyrraedd y nodau a osodwyd eisoes ar gyfer Cymru – gweler tudalen 42 o https://www.forestresearch.gov.uk/documents/8143/Ch1_Woodland_FS2021.pdf.
Mae’r cyhoedd yng Nghymru yn disgwyl camau gweithredu cadarn i fynd i’r afael â newid yn yr hinsawdd a phan na fydd uchelgeisiau’n cael eu cyflawni, mae angen gweithredu.
Mae angen i’r uchelgais ar gyfer cynyddu gorchudd coetir gan o leiaf 5,000 hectar y flwyddyn yng Nghymru, fel y nodir yn y Datganiad Ysgrifenedig: Coed a Phren gan Lee Waters AS, y Dirprwy Weinidog Newid Hinsawdd ym mis Gorffennaf 2021, gael ei throi nawr yn dargedau cyfreithiol rwymol.
Wedyn, bydd cyflawni targedau statudol o’r fath, a chyflwyno adroddiad arnynt, yn galluogi Cymru i gyrraedd ei nod cyffredinol o fod yn sero net erbyn 2050.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 22 Mawrth 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.