Deiseb a wrthodwyd Dylai asesiad a gwasanaethau cymorth ar gyfer Anhwylder Diffyg Canolbwyntio a Gorfywiogrwydd (ADCG) gael eu cyflwyno ar frys ledled Cymru.

Mae ADCG yn gyflwr niwroddatblygiadol â symptomau sy'n dechrau yn ystod plentyndod a, heb ei ddiagnosio, mae’n gallu bod yn wanychol. Gall ADCG heb ei drin arwain at risg uwch o lawer o anhwylderau iechyd meddwl, anhwylderau bwyta a hunanladdiad, anafiadau a disgwyliad oes is, dibyniaeth ar gyffuriau ac alcohol, diweithdra, digartrefedd a dyled, llai o lwyddiant addysgol a mwy o debygolrwydd o fod yn rhan o'r system cyfiawnder troseddol, mwy o unigedd ac ysgariad. Mae'r rhestr yn un faith.

Rhagor o fanylion

Mae pobl sy'n cael eu diagnosio a’u trin yn gywir ac yn gynnar, yn byw bywydau boddhaus, llewyrchus ac iach, ac maen nhw ymysg y bobl fwyaf creadigol a chryf eu cymhelliad. Mae llawer o fenywod yn cael eu hanwybyddu oherwydd diffyg hyfforddiant a’r ffaith eu bod yn dangos symptomau gwahanol.
Amcangyfrifodd astudiaeth a gynhaliwyd yn 2015 fod ADCG heb ei drin yn costio £11,000 ychwanegol y flwyddyn mewn arian personol ac arian cyhoeddus. (Daley et. al, 2015). Mae ADHD Action yn amcangyfrif bod ADCG gan 1.5 miliwn o bobl yn y DU, ond dim ond 120,000 sydd â diagnosis.
Ar hyn o bryd, nid oes braidd dim gwasanaethau yng Nghymru. Byddai cyflwyno gwasanaethau priodol â thimau asesu a thrin sydd wedi cael hyfforddiant priodol yn ddi-os yn lleddfu’r pwysau enfawr sydd ar wasanaethau iechyd meddwl a gwasanaethau cyffredinol ysbytai ac yn lleihau costau ar draws holl adrannau’r llywodraeth. Mae pobl ag ADCG yn haeddu gwell.
Rhagor o ddeunydd darllen:
https://medicalnewstoday.com/articles/untreated-adhd-in-adults
Nimh.nih.gov/health/publications/adhd-what-you- need-to-now
Tinyurl.com/NHS-Undiagnosed-ADHD

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 23 Mawrth 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.