Deiseb a wrthodwyd Cyflwyno cymhorthdal tai er mwyn sicrhau hawl pobl leol i fyw gartref #HawliFywAdref

Gydag ail gartrefi a chartrefi gwyliau yn erydu’r cymunedau cryfaf, mae’r amser wedi dod i fynd i’r afael ag argyfwng tai Cymru. Mae pobl a gafodd eu magu mewn ardaloedd gwledig wedi bod yn awyddus i rannu harddwch eu trefi a’u pentrefi genedigol, ac maent wedi estyn croeso cynnes i dwristiaid dros y degawdau. Fodd bynnag, rydym wedi cyrraedd pwynt lle nad yw bellach yn bosibl i bobl leol groesawu twristiaid i’w cymunedau...gan nad yw’r bobl dan sylw yn byw yn y cymunedau hynny mwyach. Maent wedi cael eu prisio allan, a’u gwthio allan. Nid oes gennym bellach yr #hawlifywadref.

Rhagor o fanylion

Mae un o bob tri o bobl yng Nghymru yn byw mewn tai anniogel/anfforddiadwy. Mae prisiau'n cael eu gwthio i fyny yn yr ardaloedd mwy 'dymunol', ac ni ddylem gael ein gorfodi i symud i ffwrdd o'n mamwlad er mwyn cael deupen llinyn ynghyd.
Ni ddylai argyfwng tai a pherchnogion eiddo lluosog fodoli ar yr un pryd mewn unrhyw wlad. Yn yr un modd, ni ddylai biliwnyddion a thlodi gydfodoli. Sut mae cyfiawnhau’r ffaith bod cartrefi gwyliau yn wag yn y gaeaf, tra bod pobl yn gorfod cysgu ar y stryd, yn yr oerfel, heb ddim mwy na blanced i’w cynhesu?

Byddai rhoi cyfle i bobl leol wneud cais am gymhorthdal yn ffordd wych o ail-gydbwyso’r sefyllfa hon - sefyllfa sydd wedi gwanhau diwylliant a threftadaeth cymunedau ledled Cymru. Byddai angen darparu tystiolaeth a rhoi trefniant gweinyddol ar waith yn ddiweddarach yn y broses, a hynny er mwyn sicrhau bod y broses yn ddilys. Fodd bynnag, rydym yn teimlo’n gryf y byddai hyn yn ffordd wych o ailddosbarthu'r 'incwm twristiaeth' nad yw pobl leol byth yn ei weld.
https://www.thenational.wales/news/19738393.time-come-finally-address-wales-housing-crisis/

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 7 Ebrill 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.