Deiseb a wrthodwyd Gwneud i bob trên stopio ym mhob gorsaf ar rwydwaith rheilffyrdd Cymru.

Mae’r sefyllfa bresennol, yn enwedig yn ystod oriau prysur/cyfnodau cymudo, lle nad oes rhaid i bob trên stopio ym mhob gorsaf, yn cyfyngu ar opsiynau rhywun o ran defnyddio trafnidiaeth gyhoeddus ar gyfer cymudo.

Rhagor o fanylion

Byddai'r weithred syml o sicrhau bod pob trên yn stopio ym mhob gorsaf yng Nghymru pe bai cais yn cael ei wneud yn golygu y gallai mwy o bobl ddefnyddio'r trên, yn enwedig mewn ardaloedd mwy gwledig lle mae trafnidiaeth gyhoeddus eisoes yn gyfyngedig iawn. Byddai gan hyn lawer o fanteision i'r unigolyn yn ogystal â’r gymuned ehangach yng Nghymru. Y mwyaf amlwg o’r rhain yw'r manteision amgylcheddol o gael llai o bobl i ddefnyddio eu car, ond byddent hefyd yn cynnwys manteision ariannol i'r unigolyn oherwydd (ar hyn o bryd o leiaf) mae defnyddio trafnidiaeth gyhoeddus yn rhatach o lawer na llenwi car â thanwydd.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 29 Mehefin 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.