Deiseb a wrthodwyd Sicrhau bod brechlynnau brech y mwncïod yn cael eu cyflwyno’n gyflym yng Nghymru

Mae brech y mwncïod yn lledaenu ledled y byd, yn y Deyrnas Unedig ac yng Nghymru.
Mae’r broses o gyflwyno gwybodaeth iechyd i’r cyhoedd a rhaglen frechu wedi bod yn arbennig o araf yng Nghymru, gyda llawer o bobl yn cael eu heintio â’r feirws a ddim yn gwybod sut neu le i gael triniaeth.

Rhagor o fanylion

At hynny, nid yw brechlynnau ar gyfer brech y mwncïod ar gael yn hawdd yng Nghymru eto yn dilyn penderfyniad gan Lywodraeth Cymru i ddod â’r rhaglen frechu yng Nghymru i ben er mwyn iddynt fynd i Lundain.
Mae’r ddeiseb hon yn galw am gynnyddu’r wybodaeth sydd ar gael i’r cyhoedd ynglŷn â brech y mwncïod, diagnosteg, brechu, a thriniaeth fel mater o frys yng Nghymru.
Rydym yn gwybod bod y feirws yn cael effaith anghymesur ar y gymuned lesbiaidd, hoyw, deurywiol, trawsrywiol a phlws (LGBT+) ac yn galw ar Lywodraeth Cymru i ddefnyddio ei holl wybodaeth ac adnoddau cynllunio ar gyfer pandemig i amddiffyn Cymru rhag brech y mwncïod.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 2 Awst 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.