Deiseb a wrthodwyd Dylai rhenti yng Nghymru gael eu rhewi i helpu gyda'r argyfwng costau byw

Mae rhenti yng Nghymru wedi codi bron 14 y cant yn y flwyddyn ddiwethaf, sef y cynnydd mwyaf yn y DU y tu allan i Lundain. Gyda biliau ynni yn dyblu mewn blwyddyn, prisiau tanwydd yn codi’n aruthrol a chwyddiant yn arwain at gynnydd ym mhrisiau nwyddau bob dydd, bydd tenantiaid Cymru yn dioddef effeithiau gwaethaf yr argyfwng. Mae Llywodraeth yr Alban wedi cyhoeddi y bydd rhenti yn cael eu rhewi tan fis Mawrth 2023 i helpu tenantiaid drwy’r argyfwng costau byw. Dylai Llywodraeth Cymru wneud yr un peth.

Rhagor o fanylion

Ni fyddai rhewi rhenti yn gostus i Lywodraeth Cymru, ond byddai’n helpu i dawelu meddyliau cannoedd o filoedd o denantiaid ledled Cymru. Byddai’n helpu i roi sicrwydd iddynt ynghylch eu tenantiaeth gan na fyddai landlordiaid yn gallu codi’r rhent ar ddiwedd cytundeb tenantiaeth.

Mae’n hanfodol i Lywodraeth Cymru fod ar ochr tenantiaid yn ystod argyfwng costau byw mor niweidiol. Mae penderfyniad Llywodraeth yr Alban i rewi rhenti yn dangos beth sy’n bosibl yng Nghymru.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 6 Medi 2022
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.