Deiseb a wrthodwyd Dylid rhoi'r gorau i gynllun treth twristiaeth
Rwy'n gweithio o amgylch y DU a hefyd yn rhedeg busnes bach AirBnB o gartref. Fel llawer o bobl eraill, byddaf yn aros mewn gwestyau yn ôl gofynion fy ngwaith. Rwy’n gweld y cynllun hwn i gyflwyno treth twristiaeth yn creu problemau mewn sawl sefyllfa. Er enghraifft, o ran yr anhawster i wahanu gweithio crwydrol oddi wrth dwristiaeth.
Mae’r strategaeth o gosbi’r rhai sy’n ymweld â’n gwlad yn gosod cyfyngiad o ran llwyddiant Cymru. Mae Cymru’n dibynnu ar dwristiaeth am gyfran sylweddol o’i hincwm ar draws pob rhan o’r boblogaeth, yn uniongyrchol ac yn anuniongyrchol.
Rhagor o fanylion
Y cynghorau rhanbarthol fydd â’r cyfrifoldeb am lefel y dreth, sy’n rhyddhau Llywodraeth Cymru o unrhyw gyfrifoldeb. Nid oes dim eglurder ynghylch i ble y bydd yr arian a gaiff ei godi yn mynd. Mae ‘ail-fuddsoddi’ yn ymadrodd cyffredinol annelwig nad yw o gymorth i unrhyw fath o archwiliad ariannol.
Mae’r dull o gasglu a chyflwyno'r cronfeydd hyn eto i'w nodi, ac os felly, pa gosbau y gellid eu hwynebu am unrhyw gamgymeriadau tybiedig? Efallai y bydd y symiau’n ddefnyddiol i gefnogi Cymru, ond nid dyma’r ffordd i fod yn sail i’r diwydiant cyfan.
Byddai dod â rhagor o bobl i Gymru yn sicrhau ffyniant y sector lletygarwch, a byddai y swm cyfochrog o ran refeniw treth a godir yn sgil chwyddiant enillion yn llawer mwy na'r 'ychydig bunnoedd’ arfaethedig a godir. Dylai Cymru gael ei hyrwyddo i’r byd, ond yn lle hynny gwelwn ymdrechion parhaus i ddychwelyd at fersiwn iwtopaidd byr ei golwg o gyfnod meme y Senedd. Achub Cymru, neu ei gwylio hi'n crebachu - mae angen gwneud y dewis.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi