Deiseb a gaewyd Dylid ymyrryd yn natblygiad Parc Arfordirol Penrhos yn gyrchfan wyliau ar Ynys Môn.
Mae hanes yn ailadrodd ei hun yn y pen draw; ym 1957, brwydrodd Aelodau Seneddol Cymru yn erbyn boddi Tryweryn ac eto, mynd rhagddo wnaeth y cynllun i droi’r pentref Cymreig yn adnodd dŵr i Lerpwl.
Heddiw, bwriad Land & Lakes yw adeiladu parc gwyliau newydd dros yr arfordir sy'n gartref i rywogaethau mewn perygl, ac mae wedi cael caniatâd cynllunio gan y cyngor. Er gwaethaf ymdrechion maith gan sefydliadau ac aelodau o'r gymuned i atal y datblygiad, nid yw'r cyngor wedi dirymu’r caniatâd.
Mae Parc Arfordirol Penrhos yn safle hanesyddol yng Nghymru, gyda rhannau o’r goedwig yn dyddio’n ôl i’r 18fed ganrif ac yn gartref i rywogaethau amrywiol o fflora a ffawna.
Rhagor o fanylion
Mae Parc yr Arfordir yn Safle o Ddiddordeb Gwyddonol Arbennig. Mae'r coetir yn gartref i foch daear, llwynogod, madfallod dŵr a gwiwerod coch. Yn y blynyddoedd diwethaf, mae’r wiwer goch frodorol wedi bod yn dirywio’n gyflym yn y DU – mae colli cynefinoedd wedi cyfrannu at y dirywiad. Mae hyn oherwydd bod cynlluniau datblygu yn dinistrio, ac yn gwahanu’r coetiroedd naturiol yn yr achos hwn, gan orfodi’r rhywogaethau sydd mewn perygl i dir gwastraff blaenorol, lle na allwn sicrhau bod y rhywogaethau hyn yn ddiogel.
Addawyd yn ôl yn 2021 y byddai ein tir yn cael ei warchod, ac mae bellach yn bryd gweithredu’r addewid hwnnw. Mae tir a hanes Cymru yn unigryw. Pam, felly, ydym ni’n caniatáu dinistrio sylfeini Cymru?
Ffynonellau:
— North Wales Chronicle. (2022). Anglesey nature reserve set to be ‘relocated’ to toxic waste dump to make way for holiday park.
— www.penrhosholyisland.co.uk.
Mae’r Pwyllgor Deisebau bellach yn ystyried y ddeiseb hon
Bydd y Pwyllgor Deisebau yn trafod pob deiseb sydd â mwy na 250 llofnod
Bydd y Pwyllgor Deisebau yn ystyried y ddeiseb hon ar gyfer dadl
Mae’r Pwyllgor Deisebau yn ystyried pob deiseb sy’n casglu mwy na 10,000 llofnod ar gyfer dadl