Deiseb a wrthodwyd Er lles natur...gwahardd glaswellt plastig yng Nghymru!
Mae’n rhaid mai gwylio aderyn du neu fronfraith yn chwilio am fwydod a thrychfilod ar laswellt artiffisial yw un o’r golygfeydd tristaf ym myd natur!
Ni all unrhyw bryfed fyw yno ac nid yw’n cynhyrchu hadau na blodau, felly rydych yn cael gwared ar ffynhonnell o fwyd ar gyfer adar, draenogod, chwistlod, brogaod, ystlumod, tyrchod daear, gloÿnnod byw, gwenyn a llawer mwy o rywogaethau.
Ychwanegwch at hyn y ffaith nad yw glaswellt artiffisial yn amsugno carbon deuocsid ac y bydd yn y pen draw yn diweddu i fyny fel sbwriel plastig sy’n cymryd miloedd o flynyddoedd i fioddiraddio.
Rhagor o fanylion
Wrth i’n cefn gwlad gael ei ddefnyddio’n gynyddol ar gyfer ffermio dwys, mae ein bywyd gwyllt yng Nghymru yn dod yn fwyfwy dibynnol ar ein gerddi am fwyd.
Cawsom rybudd clir yn yr adroddiad arloesol "Sefyllfa Byd Natur" fod angen i ni newid ein ffordd o fyw os ydym am wrthdroi'r gostyngiad dramatig yn niferoedd ein bywyd gwyllt.
Mae pryderon gwirioneddol iawn ynghylch yr effaith negyddol y bydd y defnydd o laswellt plastig yn ei chael ar lygredd micro-blastig a’r perygl o lifogydd sydyn yn y dyfodol.
Bydd gweithgynhyrchwyr yn dadlau nad oes yn rhaid dyfrio glaswellt artiffisial na defnyddio gwrtaith cemegol arno, ond yn anaml y dylai fod yn rhaid i chi ddyfrio’r lawnt yng Nghymru beth bynnag ac mae gwrtaith organig ar gael y gellir ei ddefnyddio. Gallwch hefyd gynnal a chadw’r lawnt drwy ddefnyddio pheiriannau torri gwair trydan sy’n defnyddio ynni adnewyddadwy.
Nid oes gennyf unrhyw amheuaeth, unwaith y bydd pobl yn clywed y ffeithiau llawn am y difrod y mae glaswellt artiffisial yn ei wneud i’n bywyd gwyllt yng Nghymru, y byddant yn dewis garddio mewn ffordd gynaliadwy. Unwaith eto, gallai Cymru arwain y ffordd ar gyfer gwaharddiadau yng ngweddill y DU yn y dyfodol.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi