Deiseb a wrthodwyd Caniatáu bwyd ar bresgripsiwn i blant ac oedolion sydd ag alergedd difrifol i fwyd ac alergeddau i nifer o fwydydd

Mae ein mab wedi dioddef o alergeddau difrifol ers iddo gael ei eni. Hyd yn hyn, mae ganddo alergedd i 17 o fwydydd y gwyddom amdanynt, a gallai rhai o’r alergeddau hynny beryglu ei fywyd. Nid yw’n gallu cael llaeth, gwenith, wyau, soia, protein pys, banana na phinafal, ac enwi dim ond ychydig. Mae’n anodd iawn dod o hyd i fwydydd diogel ac mae’n gostus iawn dod o hyd i fara, pasta, iogwrt a bwydydd eraill. Er mwyn cael presgripsiwn am y mathau hyn o fwyd, cawsom wybod yn ddiweddar y byddai angen bod ganddo gyflwr awto-imiwn yn hytrach na ‘dim ond alergeddau’.

Rhagor o fanylion

Dylai’r presgripsiynau bwyd hyn fod ar gael i blant ac oedolion sy'n dioddef o alergeddau i nifer o fwydydd ac alergedd difrifol, gan fod angen iddynt osgoi’r bwydydd hyn i gadw'n iach ac mewn sawl achos, i aros yn fyw. Ni allaf hyd yn oed roi unrhyw beth i'm mab sy’n dweud ‘y gallai gynnwys’ llaeth, wyau, cnau, gwenith, soia neu unrhyw beth arall y mae ganddo alergedd iddo. Helpwch ni i newid hyn er mwyn helpu ein mab a phawb arall sy’n dioddef o alergeddau. Gyda'n gilydd, gallwn newid pethau. Diolch am ddarllen.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 17 Medi 2023
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.