Deiseb a wrthodwyd Cymorth i bobl Palesteina: Cynnig lloches a noddfa yng Nghymru

Rydym ni, sydd wedi llofnodi isod, yn galw ar Senedd Cymru i ddangos undod â phobl Palesteina sy’n dioddef oherwydd y gwrthdaro presennol yn eu mamwlad. Rydym yn sylweddoli na all Llywodraeth Cymru ymyrryd yn uniongyrchol mewn materion tramor ond credwn, fodd bynnag, y gellir cymryd camau ystyrlon a phwysig i gynorthwyo’r unigolion hyn yn eu hawr o angen - a chynnig noddfa iddynt.

Rhagor o fanylion

Rydym yn galw ar y Senedd i wireddu ei hymrwymiad i hawliau dynol a chynwysiant drwy gynorthwyo pobl Palesteina a chynnig lloches iddynt.

Rydym yn ei hannog i weithio gyda chyrff yn y DU a chyrff rhyngwladol i roi llais i’r alltudion, a chynnig lloches ddiogel iddynt, ehangu cynlluniau adleoli, hwyluso cynlluniau i gynnig noddfa i’r rhai sydd wedi’u hanafu, sicrhau bod adnoddau hanfodol ar gael iddynt yng Nghymru, a chodi ymwybyddiaeth ymhlith pobl Cymru o sefyllfa Palestiniaid.

Credwn y bydd hyn yn tystio i werthoedd hawliau dynol Cymru ac yn gyfle i fod yn llais sy’n dylanwadu ar gynlluniau i roi cymorth byd-eang i’r rhai sydd wedi’u halltudio o Balesteina.
Mae angen gweithredu ar unwaith.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 4 Tachwedd 2023
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.