Deiseb a wrthodwyd Cyflwyno Dosbarth Defnydd E ar gyfer Safleoedd Busnes yng Nghymru
Cyflwyno Dosbarth Defnydd E ar gyfer Safleoedd Busnes yng Nghymru
Rydym yn annog Llywodraeth Cymru i ddilyn arweiniad Lloegr a mabwysiadu Dosbarth Defnydd E i symleiddio rheoliadau ar gyfer safleoedd busnes. Mae’r system gymhleth bresennol yng Nghymru, sy’n cynnwys dosbarthiadau defnydd gwahanol ac amrywiol, yn codi heriau sylweddol i fusnesau bach sy’n golygu eu bod yn wynebu prosesau hir a chostus ar gyfer newid defnydd adeiladau.
Rhagor o fanylion
Mae Dosbarth E wedi cael ei gyflwyno yn Lloegr i symleiddio'r dosbarthiadau defnydd ar gyfer safleoedd busnes, a hynny drwy integreiddio amrywiaeth o gategorïau blaenorol yn un. Mae'r newid hwn wedi bod o fudd sylweddol i fusnesau drwy ddarparu hyblygrwydd a lleihau biwrocratiaeth. Mewn cyferbyniad â hynny, mae system bresennol Cymru’n cynnwys nifer o ddosbarthiadau penodol ar gyfer safleoedd busnes (megis A1 ar gyfer siopau, B1 at ddibenion busnes, ac ati), ac mae hyn yn arwain at aneffeithlonrwydd ac yn rhwystro twf busnes.
Byddai mabwysiadu Dosbarth E yng Nghymru yn cynnig fframwaith unedig a hyblyg ar gyfer safleoedd busnes a fyddai’n ei gwneud yn haws i fusnesau newid rhwng gwahanol ddefnyddiau heb yr angen am ganiatadau cynllunio helaeth. Byddai’n cynnig cysondeb rhwng rheoliadau Cymru a Lloegr a gwneud Cymru’n gyrchfan fwy deniadol ar gyfer buddsoddi.
Gofynnwn i Lywodraeth Cymru ystyried cyflwyno Dosbarth Defnydd E ar gyfer safleoedd busnes. Mae’r diwygiad hwn yn hanfodol ar gyfer gwella’r amgylchedd busnes yng Nghymru, a byddai o fudd arbennig i fusnesau bach a busnesau sy’n dod i’r amlwg.
Diolch am ystyried ein deiseb.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi