Deiseb Gwahardd Addysgu Chwaraeon mewn Ysgolion Cynradd ac Uwchradd yng Nghymru
Mae addysgu chwaraeon mewn ysgolion cynradd ac uwchradd yn wastraff aruthrol o arian cyhoeddus. Byddai'n well treulio amser ac adnoddau addysgu ar bynciau eraill fel ieithoedd, gwyddoniaeth a'r dyniaethau.
At hynny, os yw plentyn eisiau cymryd rhan mewn chwaraeon gall wneud hynny y tu allan i amser ysgol, er enghraifft mewn clwb pêl-droed lleol. Manteision hyn yw a) peidio â chymryd amser addysgu gwerthfawr a b) peidio â defnyddio adnoddau addysgu gwerthfawr.
Nid yw’n briodol addysgu chwaraeon mewn ysgolion yn yr 21ain Ganrif.
Rhagor o fanylion
At hynny, mae chwaraeon yn yr ysgol yn annog yr ymddygiadau negyddol canlynol:
1. Ymddygiad ymosodol.
2. Ymddygiad sarhaus.
3. Bwlio.
Mae hefyd yn tynnu sylw oddi wrth bynciau eraill mwy gwerthfawr ac nid yw o unrhyw fudd o gwbl i'r rhai sy'n gadael yr ysgol yn eu dewisiadau gyrfa (ac eithrio'r lleiafrif bach sydd am fod yn athrawon Addysg Gorfforol neu'n hyfforddwyr campfa).
Yn olaf, mae chwaraeon mewn ysgolion yn gwastraffu amser addysgu gwerthfawr ac adnoddau y byddai'n well eu defnyddio ar gyfer pynciau eraill a fyddai o fudd i'r rhai sy'n gadael yr ysgol.
Nid oes angen mwy o athrawon Addysg Gorfforol na hyfforddwyr campfa yng Nghymru.
Ar ôl casglu 250 llofnod...
Caiff pob deiseb sydd â mwy na 250 llofnod ei chyfeirio at y Pwyllgor Deisebau
Ar ôl 10,000 llofnod...
Caiff deisebau sydd â mwy na 10,000 llofnod eu hystyried ar gyfer dadl yn y Senedd