Deiseb a wrthodwyd Cynnwys dinasyddion Cymru yn llawn mewn penderfyniadau am bolisïau sero net ac arwain drwy esiampl

Mae penderfyniadau polisi i leihau allyriadau carbon yn cael eu gwneud mewn ymateb i newid hinsawdd. Bydd y rhain yn effeithio ar p’un a fyddwn yn defnyddio ceir i deithio yn y dyfodol, ac yn rhoi pwyslais ar ddefnyddio trafnidiaeth gyhoeddus, beicio neu gerdded, tra’n ei gwneud yn fwy costus ac anodd i fodurwyr. Mae hon yn her sylweddol i’r rhai sy’n byw mewn ardal wledig ac sydd angen teithio i'r gwaith, apwyntiadau meddygol, cefnogi ac ymweld â theulu a ffrindiau, heb sôn am y rhai sy’n anabl neu'n dioddef o iechyd/symudedd gwael.

Rhagor o fanylion

Tra rydym yn cael ein cosbi am ddefnyddio ein ceir drwy gostau cynyddol, rwy’n galw ar yr holl weision cyhoeddus yn Llywodraeth Cymru a’r Senedd i arwain drwy esiampl a cherdded, beicio neu gymryd trafnidiaeth gyhoeddus. Yn amlwg bydd eithriadau, er enghraifft pan nad oes trafnidiaeth gyhoeddus ar gael, neu i sicrhau diogelwch unigolion.

Rydym yn galw am y canlynol:
1. gwelliant o ran ymgysylltu ac o ran cynnwys pobl mewn polisïau mor bwysig
2. dylai cynrychiolwyr etholedig a gweithwyr sector cyhoeddus arwain drwy esiampl, gyda gofyniad arnynt i ddefnyddio trafnidiaeth gyhoeddus wrth deithio am resymau gwaith.

Rydym yn eich annog i lofnodi’r ddeiseb hon heddiw! Gadewch inni sicrhau bod y rhai sy’n ein cynrychioli yn deall y realiti o fyw bywyd o ddydd i ddydd tra bod amrywiaeth o fesurau gwrth-geir a pholisïau sero net annemocrataidd yn cael eu gorfodi heb unrhyw feddwl nac ystyriaeth o’r effaith negyddol ar ein bywydau pob dydd a’n bywydau yn y dyfodol, gan ddefnyddio’r arian rydym wedi gweithio’n galed i’w ennill.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 3 Ionawr 2024
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.