Mae’n ddrwg gennym, ni allwch lofnodi deisebau sydd wedi’u cau

Deiseb a gaewyd Sicrhau diagnosis a thriniaeth i bobl sy'n dioddef o sgîl-effeithiau negyddol brechlyn COVID-19

Rwy'n dioddef o Adwaith Niweidiol Brechlyn Covid-19. O ganlyniad, mae fy mywyd wedi newid y tu hwnt i adnabyddiaeth. Rwy'n cael trafferth gwneud tasgau sylfaenol, mewn poen cyson ac wedi dod yn ddibynnol ar fy nheulu i ofalu amdanaf. Yn fy mhrofiad i, nid yw llawer o weithwyr iechyd proffesiynol yn cydnabod y symptomau a'r dioddefaint a achosir gan yr adwaith i’r brechlyn. Rwy'n galw am well ymwybyddiaeth a llwybr priodol ar gyfer diagnosis a thriniaeth i'r rhai sy'n dioddef sgîl-effeithiau gwanychol o'r fath.

Rhagor o fanylion

Mae'n bwysig gwrando ar effaith ddinistriol adweithiau niweidiol i frechlyn Covid y mae miloedd wedi'i brofi, a chydnabod hynny. Mae angen rhagor o ymchwil i symptomau a salwch sy'n deillio o frechu, gyda gwell diagnosis a thriniaeth, clinigau arbenigol neu glinigwyr a all ddarparu triniaeth briodol.

Mae cydnabod symptomau pobl a'r effaith y mae'n ei chael yn bwysig i lesiant ac iechyd meddwl pobl. Mae'n hanfodol bod pobl yn cael eu deall, yn hytrach na chael eu anwybyddu. Mae diagnosis yn bwysig, nid yn unig o ran nodi'r driniaeth fwyaf priodol, ond hefyd o ran galluogi pobl i gael gafael ar ofal a chymorth arall a gwneud cais am iawndal ariannol. Cefnogwch y ddeiseb hon i wella'r gofal iechyd a gaiff pawb sydd wedi profi effaith mor negyddol o gael brechlynnau COVID-19.

Mae yna grwpiau cefnogi ar gyfer pobl sydd wedi dioddef profediageth neu sgîl-effeithiau negyddol brechlyn COVID-19 gan gynnwys:
https://www.ukcvfamily.org/

https://findothers.com/campaign/families-fighting-for-a-uk-bespoke-compensation-sc
https://scottishvaccineinjurygroup.org/

Mae’r Pwyllgor Deisebau bellach yn ystyried y ddeiseb hon

Bydd y Pwyllgor Deisebau yn trafod pob deiseb sydd â mwy na 250 llofnod

10,898 llofnod

Dangos ar fap

10,000

Bydd y Pwyllgor Deisebau yn ystyried y ddeiseb hon ar gyfer dadl

Mae’r Pwyllgor Deisebau yn ystyried pob deiseb sy’n casglu mwy na 10,000 llofnod ar gyfer dadl

Dyddiad cau 11 Rhagfyr 2024
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.