Deiseb a wrthodwyd Gwneud calendr y Senedd yn haws i’w ddeall - gwneud gwleidyddiaeth Cymru yn fwy hygyrch
Gall fod yn anodd i rai ddeall calendr y Senedd, wrth edrych ar ba eitemau sy’n dod dan y Cyfarfod Llawn, mae cyfeiriadau at reolau sefydlog a llawer o lincs i dudalennau gwahanol ar gyfer un eitem. Os ydych yn newydd i wleidyddiaeth, efallai y bydd deall yr holl wybodaeth hon a cheisio cael barn fwy gwybodus am wleidyddiaeth Cymru yn teimlo’n frawychus.
Dylai’r Senedd ddiweddaru ac ailgynllunio’r dudalen we hon mewn fformat mwy hygyrch a dealladwy, megis calendr Senedd y DU.
Rhagor o fanylion
Gwefan Calendr y Senedd: https://busnes.senedd.cymru/mgCalendarWeekView.aspx?M=11&WN=47&CID=0&C=-1&MR=0&DL=0&ACT=Later&DD=2024
Mae calendr y Senedd yn cynnwys digwyddiadau drwy gydol yr wythnos, ond mae’r digwyddiad ar gyfer eistedd y Senedd, trafod deddfwriaeth, a phleidleisiau’n dod dan y Cyfarfod Llawn. Mae’r eitemau dan y Cyfarfod Llawn yn defnyddio termau ac iaith a allai fod yn ddryslyd ac yn anodd eu deall heb brofiad blaenorol.
Gwefan Calendr Senedd y DU: https://whatson.parliament.uk/commons/2024-11-26/
Yn wahanol i galendr y Senedd, mae calendr Senedd y DU yn llawer mwy hygyrch ac wedi’i ddylunio’n dda. Mae’n rhannu busnes Tŷ’r Cyffredin, Tŷ’r Arglwyddi, a’r pwyllgorau.
Mae busnes Tŷ'r Cyffredin yn nodi manylion penodol Biliau Rheol Deg Munud (deddfwriaeth yr hoffai cynghorwyr y meinciau cefn ei chyflwyno a’i thrafod), Biliau Aelod Preifat, Cwestiynau Llafar i Weinidogion y Llywodraeth, a Deddfwriaeth, ynghyd â chysylltiadau cryno â biliau arfaethedig, nodiadau esboniadol a gwelliannau.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi