Deiseb Gwrthdroi’r penderfyniad i wahardd meddyginiaeth atal y glasoed gan ei fod yn mynd yn groes i Ddeddf Cydraddoldeb 2010.
O dan Ddeddf Cydraddoldeb 2010, mae hunaniaeth rhywedd yn ffactor gwarchodedig. Yn fy marn i, mae penderfyniad Wes Streeting a Llywodraeth Cymru i wahardd meddyginiaeth atal y glasoed i bob pwrpas i’r rhai o dan 18 oed yn mynd yn groes i’r ddeddfwriaeth. Bydd y gwaharddiad hwn yn gwneud niwed aruthrol i’r rheini nad ydynt yn cydymffurfio â’r ddealltwriaeth ddeuaidd o rywedd, sydd wedi dyddio. Felly, gofynnaf ichi ystyried llofnodi.
Rhagor o fanylion
A minnau wedi gweithio, wedi darparu seicotherapi ac wedi bod yn rhan o’r gymuned LHDTCRhA+, mae gennyf bryderon difrifol am effaith y penderfyniad hwn. Mae cyfraddau hunanladdiad eisoes yn uchel yn y gymuned draws oherwydd gwahaniaethu, diffyg dealltwriaeth, ac ymdeimlad o gael eu gwrthod.
Cyn bod meddyginiaeth atal y glasoed ar gael, roedd rhaid i unigolion chwilio yn rhywle arall i gael hormonau i atal dyfodiad y glasoed. Ni fyddai’r hormonau hyn yn cael eu rheoleiddio yn yr un modd â meddyginiaeth y GIG, ac fe allent achosi niwed.
At hynny, pa neges sy’n cael ei rhoi i oedolion ifanc a glasoedion nad ydynt yn cydweddu â’u rhyw biolegol dynodedig?
Dylech wrthdroi’r penderfyniad anghyfreithlon hwn.
Ar ôl casglu 250 llofnod...
Caiff pob deiseb sydd â mwy na 250 llofnod ei chyfeirio at y Pwyllgor Deisebau
Ar ôl 10,000 llofnod...
Caiff deisebau sydd â mwy na 10,000 llofnod eu hystyried ar gyfer dadl yn y Senedd