Deiseb Achub Darpariaeth Gofal Plant yng Nghymru – Galw am Gyllido Teg a Phroses Deg i Ddarparwyr a Rhieni
Mae darparwyr gofal plant ledled Cymru mewn perygl o gau oherwydd model cyllido anghynaliadwy a osodwyd gan Lywodraeth Cymru. Nid yw'r cynlluniau cyfradd safonol yn talu gwir gostau darparu gofal plant ac ni chaniateir i ddarparwyr godi gwir gost gofal ar y rhiant pan fydd honno’n uwch na'r gyfradd a bennwyd. Gan fod pob lleoliad yn gweithredu'n wahanol, mae llawer yn gorfod rhedeg ar golled. Mae hyn er gwaethaf rheoliadau Llywodraeth Cymru sy’n nodi bod rhaid i'n busnesau fod yn gynaliadwy er mwyn diogelu ein plant.
Rhagor o fanylion
Beth mae hyn yn ei olygu i chi:
❌ Heb newid brys, bydd yn rhaid i lawer o Ddarparwyr Gofal Plant gau, gan adael gweithwyr gofal plant heb gyflogaeth.
❌ Mae llai o ddarpariaeth gofal plant o ansawdd yn golygu llai o leoedd gofal plant, a rhestrau aros hirach, sy’n gadael teuluoedd yn methu â chael mynediad at ofal plant, gan gynnwys y Cynnig Gofal Plant a lleoedd Dechrau'n Deg.
❌ Mae’n bosibl y bydd yn rhaid i rieni dorri oriau gwaith neu adael swyddi oherwydd diffyg gofal plant a bydd y lleoedd hynny sy’n weddill yn codi ffïoedd uwch ar y rhieni sy’n talu wrth i Ddarparwyr Gofal Plant geisio adennill colledion.
❌ Bydd plant yn colli mynediad at addysg blynyddoedd cynnar hanfodol sy’n llywio eu dyfodol, sef agwedd y mae Llywodraeth Cymru yn ei hyrwyddo wrth dynnu sylw at ei chynllun pan fydd yn ceisio ennill eich pleidleisiau.
Mae lleoliadau eisoes wedi cau!
Ni ddylai Darparwyr Gofal Plant orfod brwydro i oroesi. Ni ddylai teuluoedd orfod stryffaglu i ddod o hyd i ofal i'w plant. Os na weithredwn nawr, bydd dyfodol Gofal Plant ac Addysg Blynyddoedd Cynnar yng Nghymru yn wynebu risg ddifrifol.
Bydd y Pwyllgor Deisebau yn trafod y ddeiseb hon
Caiff pob deiseb â mwy na 250 llofnod ei thrafod gan y Pwyllgor Deisebau ar ôl iddi orffen casglu llofnodion
Ar ôl 10,000 llofnod...
Caiff deisebau sydd â mwy na 10,000 llofnod eu hystyried ar gyfer dadl yn y Senedd