Deiseb Adolygu sut mae ffigurau presenoldeb ysgolion yn cael eu defnyddio i farnu perfformiad ysgolion yng Nghymru

Rydym yn galw ar Lywodraeth Cymru i adolygu a diwygio sut mae data presenoldeb ysgolion yn cael eu defnyddio i asesu perfformiad ysgolion ac i sicrhau bod polisïau presenoldeb yn cael eu cymhwyso mewn ffordd deg a chynhwysol ac yn ystyriol o drawma.

Yn aml, mae polisïau presennol yn defnyddio’r un dull i bawb, gan anwybyddu'r rhesymau cymhleth y tu ôl i absenoldeb disgyblion. Mae ysgolion sydd â nifer uchel o ddisgyblion ADY yn aml yn nodi cyfraddau absenoldeb uwch, yn aml am resymau meddygol neu therapiwtig dilys, ond mae'r ysgolion hyn yn dal i gael eu barnu yn erbyn ffigurau presenoldeb crai. Mae hyn yn creu canfyddiad camarweiniol ynghylch effeithiolrwydd ysgolion a gall stigmateiddio ysgolion a theuluoedd yn annheg.

Mae trothwyon presenoldeb llym hefyd yn effeithio'n anghymesur ar blant sydd eisoes ar yr ymylon. Dim ond os yw presenoldeb yn fwy na chanran benodol, fel 95%, y caniateir absenoldeb yn ystod y tymor gan rai ysgolion. Gall hyn arwain at driniaeth anghyfartal—er enghraifft, gwrthod absenoldeb i blant sy'n gwella o drawma meddygol neu sydd am ddathlu gwyliau crefyddol, tra'n caniatáu gwyliau i'w cyfoedion heb unrhyw anghenion iechyd nac anghenion ychwanegol.