Deiseb a wrthodwyd Newid y gyfraith. Rhoi pŵer i Awdurdodau Lleol erlyn modurwyr sy'n taflu sbwriel o'u ceir.
Ar hyn o bryd nid oes deddfwriaeth yng Nghymru a fyddai’n caniatáu i Awdurdodau Lleol erlyn gyrwyr sy'n taflu sbwriel. Cyfrifoldeb yr Awdurdod Lleol yw glanhau sbwriel o’r ffyrdd sy’n mynd trwy ei ardal. I glirio’r sbwriel, rhaid i’r rhannau o’r ffordd sydd nesaf at lain y ffordd gael eu cau â chonau i gadw’r gweithwyr yn ddiogel. Mae'n costio miloedd o bunnoedd, gyda'r arian yn dod o gyllideb gyfyng y cyngor dan sylw. Yn Lloegr, mae deddfwriaeth yn bodoli i osod dirwyon sylweddol ar fodurwyr am y drosedd hon.
Rhagor o fanylion
Mae sbwriela o gerbydau wedi mynd yn endemig yng Nghymru. Peth prin yw gyrru ar hyd ffordd a pheidio â gweld darnau o sbwriel. Nid yn unig y mae’r rhain yn hyll, maen nhw hefyd yn achosi perygl mawr i'n bywyd gwyllt sy'n cyflym brinhau. Mae Cymru'n dibynnu'n helaeth ar dwristiaeth, ond pan y ffyrdd i mewn i’n hardaloedd harddaf fel Bannau Brycheiniog a'r Mynyddoedd Duon yn gyson yn sbwriel i gyd, mae pobl yn colli diddordeb mewn dod yma, yn enwedig ymwelwyr o wledydd tramor lle mae taflu sbwriel yn beth pur anghyffredin. Mae angen deddfwriaeth a fyddai’n arf cryf o ran atal sbwriela.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi