Deiseb a wrthodwyd Datgloi Potensial Llawn Gwyddonwyr Clinigol Ymgynghorol: Cysoni Rolau, Gwobrwyo’n Gyfartal

Datblygodd y GIG y rhaglen Hyfforddi Gwyddonwyr Arbenigol Uwch i alluogi Gwyddonwyr Clinigol i gyrraedd lefel ymgynghorol. Disgwylir i’r rhai sy’n cwblhau’r rhaglen ac yn ymuno â’r Gofrestr Gwyddonwyr Arbenigol Uwch arwain gwasanaethau, arloesi, a gwneud penderfyniadau clinigol annibynnol. Fodd bynnag, maent yn parhau i gael llai o gyflog, ymreolaeth a chydnabyddiaeth nag ymgynghorwyr meddygol, er bod ganddynt yr un lefelau o arbenigedd ac atebolrwydd.

Rhagor o fanylion

Mae Gwyddonwyr Clinigol Ymgynghorol yn darparu arweinyddiaeth glinigol, wyddonol a strategol lefel uchel. Mae GIG Cymru (2022) yn cadarnhau bod ganddynt gyfrifoldebau cyfatebol i ymgynghorwyr meddygol. Mae’r rhaglen yn gydnaws o ran cwmpas â FRCPath ac yn gofyn am hyfforddiant ar lefel doethuriaeth a chymwyseddau clinigol uwch. Serch hynny, mae llawer yn parhau i fod ar Fandiau Agenda ar gyfer Newid 8b–8d, o’i gymharu â chyflog cychwynnol o >£93,000 ar gyfer ymgynghorwyr meddygol (BMA, 2023). Mae Cynllun Gweithlu Hirdymor y GIG (2023) a’r Fframwaith Proffesiynol ar gyfer Ymarfer Clinigol Ymgynghorol yng Nghymru (AaGIC, 2022) yn hyrwyddo arweinyddiaeth amlbroffesiynol ac yn cydnabod yr angen i gyflogi staff ar frig eu trwydded. Heb gydraddoldeb, mae perygl y bydd y GIG yn colli’r gweithlu medrus iawn hwn a chyfleoedd allweddol i foderneiddio gwasanaethau a gwella canlyniadau cleifion.

Ysgol Genedlaethol Gwyddor Gofal Iechyd. (2023). Llawlyfr y Rhaglen Hyfforddi Gwyddonwyr Arbenigol Uwch.

Addysg a Gwella Iechyd Cymru. (2022). Fframwaith Proffesiynol ar gyfer Ymarfer Clinigol Estynedig, Uwch ac Ymgynghorol yng Nghymru.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 6 Mai 2025
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.