Deiseb Mae angen pôl cyhoeddus arnom ar derfynau cyflymder 20 mya gan fod pobl Cymru yn cael eu hanwybyddu

Ers i'r ddeiseb yn erbyn y terfyn cyflymder 20mya gau, bu llawer o siarad ond ychydig iawn o weithredu gweladwy ar y mater hwn, ac mae mwy o derfynau cyflymder wedi'u gostwng. Mae angen adfer yr holl derfynau, gan gynnwys yr M4 yn ôl i 70mya, gan fod yr esgus llygredd bellach yn ddiangen ers cau rhan fawr o waith dur Port Talbot.
Yn fy marn i, mae'r rheswm diogelwch dros y terfynau hyn yn cael ei brofi'n anghywir bob dydd gan fod mwy o ddamweiniau nag erioed i'w gweld bellach. Mae'r gyfraith hon wedi targedu'r bobl anghywir; mae'r bobl sy'n goryrru'n dal i oryrru, ond nawr rwy'n credu bod y damweiniau'n fwy difrifol gan fod y gwahaniaeth cyflymder yn llawer mwy nawr pan fydd y rhai sy'n goryrru yn taro'r rhai sy'n dymuno cadw eu trwyddedau.
Mae hefyd yn achosi mwy o achosion o gynddaredd ar y ffyrdd nag ydw i wedi'u gweld mewn 35 mlynedd o yrru, ac mae wedi lleihau arwyddocâd yr ardaloedd a oedd â therfynau cyflymder o 20mya, ac lle roedd gwir angen amdanynt.
Mae wedi bod ac yn parhau i fod yn wastraff amser ac arian, wedi'i orfodi arnom gan benboethiaid sydd heb syniad sut mae angen rhedeg y wlad hon.