Deiseb a wrthodwyd Rydym yn galw ar Apple i gynnwys y Gymraeg fel iaith swyddogol ar ei systemau gweithredu

Mae’r Gymraeg yn iaith swyddogol yng Nghymru, ac yn rhan greiddiol o ddiwylliant ac hunaniaeth genedlaethol. Serch hynny, nid yw’n bosibl ar hyn o bryd defnyddio’r rhyngwyneb Apple yn y Gymraeg, na defnyddio cywiro sillafu, tecstio rhagfynegol na Siri yn ein hiaith.

Rydym yn galw ar Apple i:
• Ddarparu fersiwn lawn o iOS a macOS yn Gymraeg
• Cynnwys cywiro sillafu a rhagfynegi testun yn Gymraeg
• Ychwanegu’r Gymraeg fel iaith swyddogol ar Siri a’r App

Rhagor o fanylion

Os yw Apple yn gallu cynnwys ieithoedd megis Catalaneg, Gaeleg yr Alban a Basgeg, yna mae gan y Gymraeg yr un hawl i gael ei chefnogi’n llawn.

Mae technoleg yn rhan hanfodol o fywyd bob dydd – a heb y Gymraeg ar Apple, mae siaradwyr Cymraeg yn cael eu hamddifadu. Mae’n bryd i Apple weithredu.

Arwyddwch y ddeiseb hon i ddangos eich cefnogaeth!

Pam gwrthodwyd y ddeiseb hon?

Mae’n ymwneud â rhywbeth nad yw’r Senedd na Llywodraeth Cymru yn gyfrifol amdano.

Mae’n rhaid i ddeisebau i’r Senedd alw am gamau gweithredu penodol sy’n dod o fewn pwerau’r Senedd neu Lywodraeth Cymru.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 14 Mehefin 2025
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.