Deiseb a wrthodwyd Helpu cyplau ar incwm isel a budd-daliadau sydd wedi dyweddïo am y tro cyntaf i briodi
Mae priodi yn un o gerrig milltir arwyddocaol bywyd, ond mae llawer o gyplau ar incwm isel neu fudd-daliadau yng Nghymru sy’n priodi am y tro cyntaf yn wynebu rhwystrau ariannol i ddathlu eu huniad. Rydym yn annog Llywodraeth Cymru i gyflwyno cynlluniau cymorth neu grantiau i helpu i dalu costau hanfodol priodi, i sicrhau y gall pob cwpl briodi ag urddas, ni waeth beth fo'u hincwm. Bydd gwneud hyn yn hyrwyddo cydraddoldeb, yn atgyfnerthu teuluoedd, ac yn cefnogi cydlyniant cymunedol.
Rhagor o fanylion
Mae llawer o gyplau yng Nghymru sydd ar incwm isel neu fudd-daliadau yn ei chael yn anodd fforddio costau sylfaenol priodas ac yn aml yn gohirio eu priodas neu’n peidio â phriodi o gwbl. Gall priodas fach gostio miloedd, sy’n golygu eu bod yn rhy ddrud i lawer. Mae priodas yn hawl gyfreithiol ac yn sylfaen ar gyfer teuluoedd a chymunedau sefydlog. Byddai darparu grantiau neu gynlluniau ariannu i gefnogi cyplau incwm isel yn meithrin cydraddoldeb cymdeithasol, yn gwella llesiant meddwl, ac yn hybu economïau lleol trwy leoliadau a gwasanaethau. Rydym yn galw ar Lywodraeth Cymru i ystyried cronfa gymorth bwrpasol, i sicrhau nad yw caledi ariannol yn rhwystr i ymrwymiad gydol oes. Mae ymchwil gan elusennau cenedlaethol yn tynnu sylw at ganlyniadau cymdeithasol cadarnhaol partneriaethau sefydlog, ond mae allgáu ariannol yn parhau. Credwn na ddylai cariad ac ymrwymiad gael eu cyfyngu gan incwm.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi