Deiseb a wrthodwyd Defnyddio'r sillafiad Cymraeg ar gyfer enwau lleoedd yng Nghymru, lle bo hynny'n addas

Am rhy hir, mae llu o leoliadau ledled ein gwlad wedi gorfod dioddef newid eu henw’n ddiangen o'r Gymraeg i'r Saesneg - ac yn fwy penodol - newidiadau diangen i’r sillafiadau gwreiddiol.
Nawr, onid yw'n bryd defnyddio'r sillafiad cywir, gwirioneddol Gymraeg a Cheltaidd o’r enw? Os ydym am barhau i gadw, tyfu a rhannu ein hiaith gyda'r byd, dylem wneud y pethau bychain!

Rhagor o fanylion

Er enghraifft, Aberafan ac Aberavon, Sgeti a Sketty, Caerffili a Caerphilly.
Ymhellach i’r gogledd, mae llefydd fel Ynys Môn wedi gorfod dioddef enwau amgen Saesneg sy’n gwbl ddiystyr i'w hunaniaeth a'u henw hanesyddol a gwirioneddol Gymreig.
P'un a ydym yn dechrau gyda'r sillafiadau yn unig neu'n dychwelyd yn ôl i'r Gymraeg yn gyfan gwbl ar gyfer llefydd eraill, does dim ots. Gadewch inni ddod â balchder yn ôl yn ein treftadaeth a'n hanes.

Pam gwrthodwyd y ddeiseb hon?

Ni chasglwyd digon o lofnodion i gyfeirio’r ddeiseb at y Pwyllgor Deisebau.

Mae angen o leiaf 250 llofnod ar ddeiseb cyn y gellir ei hystyried yn y Senedd.

Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod

Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi

Dyddiad cyflwyno 26 Mehefin 2025
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.