Deiseb a wrthodwyd Ymestyn Safonau’r Gymraeg i Gynghorau Tref a Chymuned
Ar hyn o bryd, nid yw safonau’r Gymraeg yn ymestyn i Gynghorau Tref a Chymuned, er bod gan nifer ohonynt gyllidebau mawr a’u bod yn darparu ystod o wasanaethau i'w cymunedau. Mae hi'n hen bryd i Lywodraeth Cymru gyflwyno rheoliadau sy’n gosod dyletswyddau ar Gynghorau Tref a Chymuned yng Nghymru o ran y Gymraeg.
Rhagor o fanylion
Hefyd, mae’n rhaid edrych eto ar ba wasanaethau y mae Cynghorau Tref a Chymuned yn eu darparu ar ran y Cynghorau Sir. Ar hyn o bryd, ychydig iawn o waith sy’n cael ei wneud gan Gynghorau Tref a Chymuned sy’n gweithredu’n ddwyieithog mewn ardaloedd di-Gymraeg. Mae safonau iaith wedi’u cynnwys mewn deddfwriaeth i sicrhau nad yw’r Gymraeg yn cael ei thrin yn llai ffafriol na'r Saesneg. Y gwir ydy bod y Gymraeg yn cael ei thrin yn llai ffafriol ymysg y cyrff cyhoeddus hynny sydd wedi’u heithrio o'r safonau ac yn gwneud dim i hyrwyddo’r iaith. Mae’n rhaid cryfhau ac ymestyn y canllawiau.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi