Deiseb Symleiddio a safoni’r broses ar gyfer trefnu apwyntiad gyda meddyg teulu yng Nghymru.
Ar hyn o bryd, mae’n anodd iawn trefnu apwyntiadau i weld meddyg teulu mewn meddygfeydd lleol. Mae hyn yn achosi straen diangen i gleifion ac mae hefyd yn achosi straen diangen i adrannau brys yn ein hysbytai.
Dylai pobl allu ffonio eu meddygfa ar unrhyw adeg (o fewn oriau agor) i drefnu apwyntiad gyda meddyg teulu. Nid yw pobl bob amser ar gael ar yr amseroedd a bennir gan feddygfeydd ac mae hyn yn atal pobl sy’n gweithio rhag cael apwyntiadau.
Rhagor o fanylion
Un enghraifft yw meddygfeydd sy’n gofyn i bobl ffonio’r feddygfa am 10:00am er mwyn trefnu apwyntiad ar gyfer yr un diwrnod yr wythnos ganlynol. Nid yw’r diffyg hyblygrwydd hwn yn gweithio i bobl mewn swyddi penodol nad ydynt yn gallu aros ar y ffôn am 30 munud yn y gobaith o gael apwyntiad. Nid yw’r cyfyngiadau hyn yn gweithio i bobl a hoffai drefnu apwyntiad cyffredinol ar gyfer y dyfodol gan eu bod yn cael eu cyfyngu i allu gwneud apwyntiadau ar gyfer yr wythnos ganlynol yn unig. Mae nam clir ar y prosesau hyn sy’n anhyblyg ac yn gweithio yn erbyn aelodau penodol o’r cyhoedd.
Ar ôl casglu 250 llofnod...
Caiff pob deiseb sydd â mwy na 250 llofnod ei chyfeirio at y Pwyllgor Deisebau
Ar ôl 10,000 llofnod...
Caiff deisebau sydd â mwy na 10,000 llofnod eu hystyried ar gyfer dadl yn y Senedd