Deiseb a wrthodwyd Gwneud seddi mewn safleoedd bws yn hygyrch
Mae safleoedd bws yng Nghymru yn dueddol o fod â bariau i bwyso arnynt - nid yw'r rhain yn hygyrch i bobl sy’n fyrrach na’r taldra cyfartalog. Mae hyn yn effeithio ar blant a’r henoed, sy’n fwy tebygol o fod yn fyrrach.
Pa bwrpas sydd i rywbeth fel mainc os nad yw pobl yn gallu ei defnyddio?
Mae lle i aros yn helpu pobl â symudedd cyfyngedig i gael mynediad at drafnidiaeth i’r dre.
Rhagor o fanylion
Rwy’n 4’11’’ ac mae’n rhaid i fi eistedd ar y llawr yn y safle bws, yn hytrach na defnyddio’r bar pwyso, sy’n uwch nag uchder y glun.
Ni fyddai hyn yn bosibl i rywun sydd â’r un taldra â mi, ond yn berson hŷn.
Dylai meinciau fod yn ddigon isel i eistedd arnynt, ac ni ddylent fod ar ongl, fel bod pobl â phroblemau yn eu cymalau yn gallu eu defnyddio.
Dylai Llywodraeth Cymru weithio gyda Trafnidiaeth Cymru ac awdurdodau lleol i sicrhau bod meinciau sy’n bodloni anghenion pob teithiwr ym mhob safle bws newydd neu sy’n cael ei adnewyddu.
Pam gwrthodwyd y ddeiseb hon?
Ni chasglwyd digon o lofnodion i gyfeirio’r ddeiseb at y Pwyllgor Deisebau.
Mae angen o leiaf 250 llofnod ar ddeiseb cyn y gellir ei hystyried yn y Senedd.
Dim ond deisebau nad ydynt yn bodloni’r safonau ar gyfer deisebau y byddwn yn eu gwrthod
Mae deisebau a wrthodwyd yn cael eu cyhoeddi yn yr iaith y cawsant eu cyflwyno ynddi