Deiseb Dylai Llywodraeth Cymru gyhoeddi canllawiau i ganiatáu i denantiaid tai cymdeithasol arddio er budd natur heb beryglu eu tenantiaethau.

Mae llawer o denantiaid tai cymdeithasol eisiau garddio er lles natur drwy gael dolydd blodau gwyllt neu ardaloedd eraill sy’n targedu natur yn eu gerddi. Fodd bynnag, mae landlordiaid cymdeithasol yn aml yn mynnu bod rhaid cadw gerddi, a glaswellt yn benodol, yn daclus. Mae rhai cynghorau yn bygwth tenantiaethau oherwydd ardaloedd dolydd blodau gwyllt yng ngerddi trigolion.
Rydym yn galw ar Lywodraeth Cymru i gyhoeddi canllawiau i landlordiaid cymdeithasol i sicrhau bod tenantiaid yn cael garddio er mwyn natur.
Cymru yw un o’r gwledydd sydd wedi’u disbyddu fwyaf o ran natur yn y byd. Nid bygythiad i’n rhywogaethau brodorol yn unig yw hyn ond hefyd i iechyd pobl, a chynhyrchiant bwyd yn y dyfodol.