Deiseb Rhoi moratoriwm ar unwaith ar brosiectau ynni gwynt ar y tir sy'n defnyddio tyrbinau sy’n 200 metr neu’n uwch.

Mae adnoddau modelu sŵn tra-chywir ar gael, sydd wedi cael eu hadolygu gan gymheiriaid, a fyddai’n llawer gwell na’r hyn sy’n cael ei ddefnyddio, sef dulliau modelu sŵn nad ydynt yn ymdrin ag amleddau isel, tywydd, tirwedd ac ati.
Dylai’r cam o sicrhau pellteroedd gwahanu diogel oddi wrth eiddo preswyl a gweithleoedd fod yn rhan ofynnol o bob prosiect ac adroddiad effaith lleol.
Mae’r effeithiau sy’n gysylltiedig â dod i gysylltiad â lefelau uchel o is-sain wedi'i fodylu’n osgledol am 35 i 40 mlynedd yn gwbl anhysbys ac nid ydynt yn cael eu cydnabod gan awdurdodau.
Nid yw’r mater hwn yn cael sylw yn y Canllawiau Sŵn newydd, a luniwyd yn eu cyfanrwydd gan y diwydiant a'i ymgynghorwyr cyflogedig. Anwybyddwyd y dystiolaeth annibynnol.
Rhaid sicrhau nad yw trigolion Cymru yn wynebu perygl o ganlyniad i’r ras i gynhyrchu ynni adnewyddadwy pan fo technoleg amgen fwy diogel yn cael ei datblygu'n gyson.
Rydym yn gofyn am ymchwiliad agored, annibynnol a thryloyw, ac rydym am roi terfyn ar unwaith ar bob prosiect ynni gwynt ar raddfa fawr sydd wedi cael caniatâd, boed yn y broses gynllunio neu yn y cyfnod cyn cynllunio, tan y bydd yr ymchwiliad hwn wedi'i gwblhau.