Deiseb Diogelu Plant rhag Niwed mewn Sefydliadau Crefyddol yng Nghymru

Rydym yn galw ar Lywodraeth Cymru i gryfhau amddiffyniadau i ddiogelu plant o fewn sefydliadau crefyddol.

Mae pob plentyn yn haeddu cael ei amddiffyn rhag cam-drin, esgeulustod, gweithgarwch anniogel ac arferion disgyblu niweidiol, waeth beth fo credoau crefyddol ei deulu.

Rydym yn annog Llywodraeth Cymru i:

• adolygu arferion diogelu o fewn sefydliadau crefyddol;
• egluro amddiffyniadau i blant sy'n ymgymryd â dyletswyddau glanhau mewn sefydliadau crefyddol, yn enwedig o ran dod i gysylltiad â chemegau, mesurau goruchwylio a threfniadau iechyd a diogelwch;
• sicrhau bod sefydliadau crefyddol yn cydymffurfio â’r cyfreithiau perthnasol o ran diogelu ac iechyd a diogelwch;
• hyrwyddo gweithdrefnau adrodd diogel fel y gall plant godi pryderon heb ofni cosb na gwaharddiad; a
• chyhoeddi canllawiau clir i rieni a sefydliadau crefyddol ar eu cyfrifoldebau i amddiffyn plant.

Ni ddylai unrhyw sefydliad crefyddol fod uwchlaw'r gyfraith. Mae pob plentyn yng Nghymru yn haeddu amddiffyniad cyfartal, waeth beth fo'r credoau neu’r arferion crefyddol perthnasol.