Deiseb Sefydlu llwybr gofal cenedlaethol ar gyfer Anhwylder Osgoi/Cyfyngu o ran Bwyd (ARFID) a hyfforddiant diagnostig yn holl fyrddau iechyd GIG Cymru

Mae Anhwylder Osgoi/Cyfyngu o ran Bwyd (ARFID) yn anhwylder bwyta difrifol a gydnabyddir yn y Llawlyfr Diagnostig ac Ystadegol o Anhwylderau Meddwl, Pumed Argraffiad (DSM-5), ac fe’i nodweddir gan gyfyngu difrifol o ran bwyd ar sail priodoleddau synhwyraidd, ofn pethau gwrthnaws, neu ddiffyg diddordeb mewn bwyta. Mae'n wahanol i anorecsia a bwlimia, gan nad yw'n deillio o bryderon am ddelwedd y corff.

Mae ymchwil yn dangos ei fod yn cyd-ddigwydd yn sylweddol â niwroamrywiaeth: mae hyd at 21% o unigolion awtistig yn cael ARFID, ond nid yw darpariaeth gofal iechyd yng Nghymru yn ystyried y cysylltiad hwn. Ar draws Byrddau Iechyd, mae’r diffyg llwybrau clinigol diffiniedig yn golygu bod cleifion yn rheolaidd yn cael eu hanfon yn ôl ac ymlaen neu eu gwrthod gan CAMHS, gwasanaethau anhwylderau bwyta i oedolion, gwasanaethau deieteg a gwasanaethau pediatreg.

Mae Beat Eating Disorders yn tynnu sylw at y ffaith bod ymyrraeth ohiriedig yn arwain at gamfaethiad, bwydo trwy diwb, gofid seicolegol difrifol, a chyfnodau yn yr ysbyty y mae modd eu hosgoi. Bydd sefydlu llwybrau diagnostig safonol a hyfforddiant gorfodol i'r gweithlu ar draws GIG Cymru yn atal dirywiad clinigol hirdymor a methiant systemig.