Deiseb a gwblhawyd Cefnogi Gwasanaeth Dosbarth Cyntaf Arriva Trains Cymru

Credir y bydd Trenau Arriva Cymru yn cyhoeddi cyn bo hir eu bwriad i ddod â'u gwasanaeth dosbarth cyntaf rhwng Caergybi a Chaerdydd i ben. Mae'r gwasanaeth hwn yn rhan o'u gwasanaeth 'Premier', sy'n rhedeg bob diwrnod gwaith.

Mae'n debyg mai ymateb fydd hyn i benderfyniad Llywodraeth Cymru i roi'r gorau i ariannu'r gwasanaeth hwn ddechrau 2015.

Mae'r ddeiseb hon yn annog Llywodraeth Cymru i ailystyried eu penderfyniad i roi'r gorau i ariannu'r gwasanaeth gwerthfawr a phoblogaidd hwn, neu o leiaf i annog Trenau Arriva Cymru i barhau â'r gwasanaeth cystal ag y gallant drwy ddulliau eraill.

Rhagor o fanylion

Y gwasanaeth dosbarth cyntaf hwn gan Trenau Arriva Cymru (neu wasanaeth Gerallt Gymro, fel y caiff ei alw hefyd) yw un o'r ychydig wasanaethau rheolaidd ar rwydwaith rheilffyrdd Prydain sy'n parhau i gynnig prydau bwyd o safon.

Byddai'n drueni mawr colli'r gwasanaeth hwn, nid yn unig o safbwynt y teithwyr, ond hefyd o safbwynt y staff a'r criw ar y trên sydd wedi gweithio mor galed i sicrhau bod teithio ar y trên hwn yn brofiad mor werth chweil.

Mae’r Pwyllgor Deisebau wedi trafod y ddeiseb hon

Rhagor o wybodaeth am drafodaethau’r Pwyllgor Deisebau ynghylch y ddeiseb hon

54 llofnod

Dangos ar fap

5,000

Dyddiad cwblhau 1 Mawrth 2016
Gweld data ynghylch y ddeiseb (fformat JSON)

Data ynghylch deisebau

Mae’r data hyn yn dangos sawl person sydd wedi llofnodi’r ddeiseb yn ôl gwlad ac yn ôl etholaeth pob Aelod o’r Senedd. Mae’r data hyn ar gael ar gyfer pob deiseb ar y safle. Nid yw’n rhoi rhestr o’r bobl sydd wedi llofnodi’r ddeiseb. Yr unig enw sy’n cael ei rannu ar y safle yw enw’r person a greodd y ddeiseb.