Deiseb Gwahardd pleidiau gwleidyddol rhag defnyddio delweddau a gynhyrchir gan AI.
Gyda thechnoleg delweddau a gynhyrchir gan AI yn gwella’n gyflym, mae'n gynyddol anodd gwahaniaethu rhwng y gwir a’r gau. Ni ellir dweud mwyach mai “gweld yw credu”. Yn hytrach, mae’n dod yn fwyfwy amlwg mai i’r gwrthwyneb y bydd hi.
Er mwyn annog hyder y cyhoedd a sicrhau bod negeseuon gwleidyddol yn deg, yn gywir ac yn fuddiol o ran gwybodaeth, mae angen gwahardd pleidiau gwleidyddol a'u Haelodau etholedig rhag defnyddio delweddau a gynhyrchir gan AI, a hynny ar unwaith.
Rhagor o fanylion
Mae'r potensial ar gyfer lledaenu camwybodaeth drwy ddelweddau a gynhyrchir gan AI yn bryder amlwg. Ar ben hynny, ni wyddom i ba raddau y mae delweddau hyper-realistig a gynhyrchir gan AI yn dylanwadu ar y cyhoedd.
Felly, awgrymaf ein bod yn cyflwyno gwaharddiad ar ddefnyddio’r dechnoleg hon at ddibenion gwleidyddol, a hynny ar unwaith, hyd nes ein bod yn deall effeithiau delweddau o’r fath ar etholwyr yn well.
Yn ogystal, gallai’r posibilrwydd o gamarwain y cyhoedd, boed yn fwriadol neu drwy esgeulustod, ddwyn anfri ar rôl Aelod o’r Senedd. Byddwn felly’n awgrymu y dylai achosion lluosog o dorri’r rheolau hyn arwain at ganlyniadau go iawn.
Hoffwn weld yr Aelodau’n cael y cyfle i drafod y mater hwn, gyda phleidlais yn cael ei chynnal ynghylch cyflwyno gwaharddiad cychwynnol, a hynny wrth i effaith delweddau a gynhyrchir gan AI ar etholwyr gael ei deall yn well.
Dylai'r Senedd fod yn gosod esiampl o ran ymddygiad, gwedduster a defnyddio technolegau newydd yn gyfrifol. Nid oes lle mewn gwleidyddiaeth ar gyfer delweddau sy'n ystumio'r gwir, neu sy'n gelwyddau llwyr.
Ar ôl casglu 250 llofnod...
Caiff pob deiseb sydd â mwy na 250 llofnod ei chyfeirio at y Pwyllgor Deisebau
Ar ôl 10,000 llofnod...
Caiff deisebau sydd â mwy na 10,000 llofnod eu hystyried ar gyfer dadl yn y Senedd