Deiseb Peidio â chau cyffyrdd yng Nghasnewydd
Fel cymudwyr yng Nghasnewydd, rydym yn gwrthwynebu cau cyffyrdd ar yr M4. Mae defnyddio ffyrdd lleol a llwybrau ysgol i liniaru priffyrdd yn hel traffig heibio i’n cartrefi, yn difetha ein heconomi, ac yn peryglu bywydau ein plant. Mae'r rhan fwyaf o ysgolion Casnewydd yn sefyll yn ymyl priffordd. Mae boddi’r ffyrdd hyn dan gludiant nwyddau traffordd yn achosi tagfeydd, aer gwenwynig, a risg uchel o ddamweiniau i’r rhai sy’n cerdded i’r ysgol ac oddi yno. Rydym yn mynnu bod Llywodraeth Cymru yn diystyru cau cyffyrdd.
Rhagor o fanylion
Mae cofnodion cyhoeddus swyddogol yn dangos bod ofnau ein cymuned yn gwbl gyfiawn. Mewn sesiwn ffurfiol yn y Senedd, cadarnhaodd y Dirprwy Weinidog dros Drafnidiaeth yn Llywodraeth Cymru fod y weinyddiaeth wrthi’n pwyso a mesur "pob opsiwn ffordd arall", gan gynnwys cau cyffyrdd lleol ar yr M4 yn benodol [South Wales Argus]. Ar ben hynny, fel y darlledwyd gan ITV News, mae'r Llywodraeth, dro ar ôl tro, wedi gwrthod diystyru cau’r cyffyrdd penodol hyn. Mae'r newid polisi hwn yn golygu y bydd cerbydau traffordd sy’n cludo nwyddau dros bellter hir yn gorfod mynd drwy galon dinas Casnewydd. Bydd symud tagfeydd o’r draffordd i strydoedd y ddinas yn achosi tagfeydd parhaol ar draws cymdogaethau lleol, yn amharu ar dargedau ansawdd aer, ac yn peri aflonyddwch difrifol, parhaol i deuluoedd [South Wales Argus].
Ar ôl casglu 250 llofnod...
Caiff pob deiseb sydd â mwy na 250 llofnod ei chyfeirio at y Pwyllgor Deisebau
Ar ôl 10,000 llofnod...
Caiff deisebau sydd â mwy na 10,000 llofnod eu hystyried ar gyfer dadl yn y Senedd